Loading...
Reload document 
Open in new tab 
Дахивар авах мэдээлэл сурталчилгааны өдөрлөг
ДАХИВАР АВАХ ҮЙЛ АЖИЛЛАГАА /ДАЯС/
Хүрээлэн буй орчны бохирдлыг бууруулах, “Зөв дадал, эерэг өөрчлөлт, ногоон ирээдүй”, “Жорлонгоо өөрчилье” аяныг идэвхижүүлэх хүрээнд иргэд олон нийтэд хог хаягдлаа багасгах, ангилан ялгах мэдлэг ойлголтыг өгч эерэг дадал хэвшлийг бий болгоход уриалах, хөрс бохирдуулахгүй, байгальд ээлтэй, шинэлэг технологи бүхий бүтээгдэхүүн, үйлчилгээ сурталчилах, мэдээлэл өгөх зорилгоор ӨӨРЧЛӨЛТИЙГ ӨӨРӨӨСӨӨ өдөрлөг, ДАЯС -дахивар үйл ажиллагаа 2023 оны 10 сарын 12-ны өдөр Боржигин чуулгын гадна талбайд зохион байгууллаа.
Хамтран зохион байгуулсан:
- Аймгийн Засаг даргын Тамгын газар
- Хоггүй Монгол ТББ
- Төвшин сайхан төв ТББ
- Шивээговь сумын дахиварын цэг
- Тохижилт сүмбэр ОНӨҮГ
Дараах арга хэмжээ зохион байгуулсан.
- Иргэдэд салбарын мэдээ, мэдээлэл өгсөн.
- ЕБС-ийн сургуулийн хүүхдүүдийн дунд дахивар нөөц цуглуулах уралдаан
- Иргэд, аж ахуйн нэгж байгууллагуудад дахин боловсруулах боломжтой хаягдал цуглуулан арга хэмжээ дээр авч ирэх уриалга хүргэж дахивар авсан.
- Дахин боловсруулах боломжтой хаягдлын талаарх мэдээллийг өгч, 260 хүн хамрагдсан.
- Дахиварт нийт 160 гаруй хүн 5 тн хуванцар, 3100 шил, 350 кг гялгар уут, 500 кг цаас, 112 ш хаягдал зай дахиварт тушаасан.
- Дахивар авчирч өгсөн хүмүүст Хоггүй монгол ТББ-аас гарын бэлэг, ариун цэврийн цаас, эдийн савангаар урамшуулсан.
- Мөн дахивар хамгийн сайн цуглуулж авчирсан хүүхдүүдэд мөнгөн урамшууллыг өгсөн.
Үүнд:
- Сүмбэр сумын лаборатори 5-р сургуулийн 10 анги Тэргүүн байр 50 кг хуванцар
- Сүмбэр сумын 5-р цэцэрлэг 2-р байр
- Сүмбэр сумын 5-р сургуулийн 2-р ангийн сурагч А.Анар 3-р байр
“Зөв дадал, эерэг өөрчлөлт, ногоон ирээдүй” аяны тайлант өдөрлөг зохион байгуулав.
ГОВЬСҮМБЭР АЙМГИЙН БАЙГАЛЬ ОРЧИН, АЯЛАЛ ЖУУЛЧЛАЛЫН ГАЗРААС ЗОХИОН БАЙГУУЛСАН “ЗӨВ ДАДАЛ НОГООН ИРЭЭДҮЙ АЯНЫ ТАЙЛАНТ ӨДӨРЛӨГИЙН ТАЙЛАН
Тус газраас Ерөнхий боловсролын сургууль, Политехникийн коллежийн Олон улсын Эко сургуулийн шалгуурыг хангахад дэмжлэг үзүүлэх, хамтран ажиллах, Ерөнхий боловсролын сургуулиудын тогтвортой хөгжлийн боловсрол олгох хүрээнд зохион байгуулж буй үйл ажиллагааг олон нийтэд түгээн сурталчлах, байгаль орчныг хамгаалах, хүрээлэн буй орчны бохирдлыг бууруулах, хог хаягдлаа багасгах, ангилан ялгах мэдлэг ойлголтыг өгч, зөв дадал хэвшлийг бий болгоход уриалах, байгальд ээлтэй амьдрах нөлөөллийн арга хэмжээг 2023 оны 3 сараас эхлэн үе шаттай үйл ажиллагаа зохион байгуулсан.
Тайлант өдөрлөгийн үеэр дараах арга хэмжээ зохион байгуулсан.
- “Зөв дадал, эерэг өөрчлөлт, ногоон ирээдүй” аяны тайлант өдөрлөг, хог хаягдлаар хийсэн бүтээлийн үзэсгэлэн
- Дахивар авах үйл ажиллагаа /ДАЯС/
- Мод бутны үзэсгэлэн худалдаа, сургалт
Хамтран ажилласан байгууллага:
- Аймгийн ЗДТГ
- Боловсрол шинжлэх ухааны газар
- Хоггүй Монгол ТББ
- Төвшин сайхан мөнх ТББ
- Говьсүмбэр аймгийн Ерөнхий боловсролын 1, 2, 3, 4, 5 дугаар сургууль
- Политехникийн коллеж
- Сум дундын Ойн анги
- Тохижилт сүмбэр ОНӨААТҮГ
Хамрагдсан хүн: Нийт 14 байгууллага, 410 хүн хамрагдсан.
“ЗӨВ ДАДАЛ, ЭЕРЭГ ӨӨРЧЛӨЛТ, НОГООН ИРЭЭДҮЙ” АЯНЫ ТАЙЛАНТ ӨДӨРЛӨГ
Боловсрол шинжлэх ухааны газар, Байгаль орчин, аялал жуулчлалын газрын хамтран баталсан “Зөв дадал эерэг өөрчлөлт, ногоон ирээдүй аян”-ы удирдамжийг 2023 оны 3 сард сургуулиуудад хүргүүлэн 2023 оны 3 сараас эхлэн үе шаттай ажлууд зохион байгуулсан. Үүнд:
- Эко өртөө арга хэмжээ 2023 оны 4-6 сард зохион байгуулж, 6 сургуулийн 408 хүн хамрагдсан.
- Тогтвортой хөгжлийн боловсрол олгох хүрээнд зохион байгуулсан сургалт 186 сурагч
- Хог хаягдлаар хийсэн бүтээлийн үзэсгэлэн
- Хог хаягдал цэвэрлэх үйл ажиллагаа 6 удаа 5,6 тн хог хаягдал цэвэрлэсэн.
Энэхүү зохион байгуулсан үйл ажиллагаанд идэвхитэй тогтмол оролцсон сургуулиудыг 7 шалгуураар үнэлэн шалгаруулж, 2023 оны 10 сарын 12-нд Боржигин чуулгад Зөв дадал эерэг өөрчлөлт ногоон ирээдүй аяны тайлант өдөрлөгийг зохион байгуулсан.
Тайлант өдөрлөгт аймгийн Засаг дарга Г.Батсуурь, Сүмбэр сумын Засаг дарга Т.Бат-Эрдэнэ, Боловсрол шинжлэх ухааны газрын дарга А.Зургаанжин нар оролцож, Ерөнхий боловсролын 1, 2, 3, 4, 5 дугаар сургууль, Политехникийн коллеж, төрийн байгууллагын нийт 260 багш, албан хаагч, сурагчид хамрагдсан.
Дараах хөтөлбөрийн дагуу зохион байгуулагдсан.
| № | Агуулга | Хугацаа | Хариуцах хүн |
| 1 | Нээлт | 14.00-14.10 | Аймгийн Засаг дарга Г.Батсуурь |
| 2 | Ая дууны мэндчилгээ | 14.10-14.20 | Боржигин чуулга |
| 3 | Аймгийн хэмжээнд хүрээлэн буй орчны бохирдлыг бууруулах хүрээнд зохион байгуулсан үйл ажиллагааны үр дүн, цаашдын зорилт, арга хэмжээ, хамтын ажиллагаа | 14.50-15.00 | БОАЖГ-ын дарга
Д.Мөнх-Эрдэнэ |
| 4 | Сумын хэмжээнд хог хаягдлыг бууруулах, дахивар нөөцийг цуглуулах ангилан ялгах, тээвэрлэх асуудлыг шийдвэрлэх арга зүй, туршлага | 14.20-14.50 | “Хоггүй монгол” ТББ, “Төвшинсайхан мөнх” ТББ |
| 5 | Олон Улсын Эко ногоон сургууль хөтөлбөрт хамрагдсан сургууль, цэцэрлэгийн амжилт, туршлага | 15.00-15.40 | Политехникийн коллеж
5-р сургууль 4-р сургууль |
| 6 | Намрын мод тарилт, мод арчлах арга зүй сургалт | 15.40-16.10 | Япон улсад бүртгэлтэй “Монголын экологийн мэдээллийн төв” ТББ |
| 7 | Зөв дадал эерэг өөрчлөлт ногоон ирээдүй аянд идэвхитэй оролцсон сургуульд шагнал гардуулах ажиллагаа | 16.10-16.40 | БОАЖГ |
| 8 | ЕБ-ийн 1, 2, 3, 4, 5 дугаар сургууль, Политехникийн коллежийн багш, сурагчдын дахивар хог хаягдал болон дахин ашиглах боломжтой хог хаягдлаар хийсэн бүтээлийн үзэсгэлэн | 14.00-16.00 | Боржигин чуулгын үүдний танхим |
| 9 | Байгаль орчин, аялал жуулчлалын салбарын мэдээлэл сурталчилгаа
Мод бутны үзэсгэлэн худалдаа |
14.00-16.00 | БОАЖГ |
| 10 | Дахивар авах арга хэмжээ, Эко Шоп /Боржигин чуулгын гадна талбайд/ | 14.00-16.00 | “Хоггүй монгол” ТББ, “Төвшинсайхан мөнх” ТББ |
2023 оны турш зохион байгуулсан байгаль хамгаалах, хог хаягдлыг бууруулах, хог хаягдлаар бүтээлхийх, тогтвортой хөгжлийн боловсрол олгох, Олон улсын эко ногоон сургууль хөтөлбөрт хамрагдахад дэмжлэг үзүүлэх ажиллагаанд идэвхитэй оролцож манлайлсан сургуулийг шалгаруулж урамшуулсан.
| № | Сургууль | Байр, оноо | Шагнал |
| 1 | Политехникийн коллеж | 1-р байр /35 оноо/ | 800000 |
| 2 | Баянтал сумын 4-р сургууль | 2-р байр /31 оноо/ | 500000 |
| 3 | Шивээговь сумын 3-р сургууль | 3-р байр /29 оноо/ | 200000 |
СУРАГЧДЫН УРЛАСАН ХОГ ХАЯГДЛААР ХИЙСЭН БҮТЭЭЛҮҮД:
- Шүр сувдан шигтгээгээр чимж урласан цэцгийн ваар, үзэгний сав, ундааны савыг тайрч цэцгийн сав
- Зайрмагний ишийг ашиглан төрөл бүрийн зүйл хийсэн. Хайрцаг, тогтлоом, малын хорооны макет
- Хэрэгүүй болсон хувцас ашиглан төрөл бүрийн даавуун уут, самбарын алчуур,
- Үзэгний сав, зүү тогтоогч, хаягдал CD-гээр хөшиг хавчигч
- Хаягдал цаасаар цаасан шуумал сав, цэцгэн чимэглэл
- Өндөгний сеткээр хийсэн сандал, модон ширээ,
- Хаягдал лааз: Бар зураг, ханын чимэглэл
- Хаягдал ундааны бөглөө: Даам, тоглоом
- Хаягдал эсгий хавтан: Үзэгний сав, ханын чимэглэл, бэлэг дурсгал
- Хаягдал 1 удаагийн халбага: Ширээний гэрэл
- Хаягдал даавуу: Сүлжмэл бүс
- Хаягдал цаасан хайрцаг: Тайзны чимэглэл, цэцэг, цаасан хайрцаган байшин, сальфетька, 00 цаас цаасан чимэглэл, зургийн жааз
- Шатар, даам
БҮТЭЭЛЧ АЖЛУУД:
- Хогийн сав хийж байршуулсан.
- Сургуулийн гадна тамхины иш хийх сав
- Ангилах ялгах хогийн сав
- Ундааны савны хэлбэртэй хуванцар хийх хогийн сав
- Сургуулийн дотор хаягдал төмрөөр даавуун доторлогоотой ангилан ялгах хогийн сав
- Хаягдал зайны сав
- Чийгийн улаан хорхойн бордоо: Хос сүвтэй жилд 100 өндөглөдөг. Хүнсний ногооны хальс, малын гаралтай аргал, хомоол идэж би ялзмаг болгож баадаг хорхой. 17000 өт үржүүлж, гарсан био ялзмагаа 1 кг 2500 төгрөгөөр зарж орлого олж эхэлсэн. Хог хаягдлаар дахин ашиглах бүтээл хийж, ашиглаж байна.
- Сургуулийн дотор талд байгальд ээлтэй орчныг бүрдүүлэх, эко байх, байгаль орчныг хамгаалах санааа сэдэл өгөхөөр орчин бүрдүүлсэн.
- Дугуйн зогсоол хийсэн
- Усан оргилуур, дельфин хөшөө хийсэн.
- Хог хаягдлыг бууруулах жижиг төсөл хэрэгжүүлсэн.
- Ардаа бичиггүй хаягдал цаасыг ашиглан тэмдэглэлийн дэвтэр, календарь хийж ашиглаж байна
ҮР ДҮН:
- Олон улсын эко сургуулийн шалгаруулалтыанд хамрагдах үндсэн 2 шалгуурыг хангахад дэмжлэг үзүүлсэн. /Нөлөөллийн үйл ажиллагаа, амжилтын өдөрлөг/
- Сурагчид хог хаягдлбг дахин ашиглаж, бүтээл хийж хэрэглэж хэвшсэн.
- Хүрээлэн буй орчны бохирдлыг бууруулах шинэ санал, санаачилга гаргаж хэрэгжүүлсэн.
- Тогтвортой хөгжлийн боловсрол олгох хүрээнд 3-5 төрлийн мэдээлэл өгч, 400 гаруй гарын авлага тараасан.
- Шинэ санаа, хийсэн бүтээлүүдээр харилцан туршлага солилцож, үйл ажиллагааг олон нийтэд сурталчилсан.
- Шинэ санааг олон нийтэд сурталчилснаар Чийгийн улаан хорхойн бордооны борлуулалт хийгдсэн.
- Политехникийн коллеж хогийн сав захиалгаар хийж байна.
- Даавуун уутны хэрэглээ нэмэгдсэн. /6 сургуулийн багш, ажилчид/
- Байгаль орчныг хамгаалах, хүрээлэн буй орчны бохирдлыг бууруулах, хог хаягдлаа багасгах, ангилан ялгах мэдлэг ойлголттой болсон.
- Дахиварт ангилан ялгасан хог хаягдлын өгсөн.
- Олон улсын Эко ногоон сургууль хөтөлбөрт хамрагдсан 3 сургууль, хамрагдсан 3 сургуулийг Эко бүлгийн багш нарыг хамруулан туршлага солилцох, уулзалт, өдөрлөг хийсэн.
“Чойрын богд уулан дахь гороо алхалт, аялал” зохион байгууллаа
Тогтвортой хөгжлийн боловсрол олгох хүрээнд Аялал жуулчлалын хууль болон Монголд зочлох жил, Дэлхийн аялал жуулчлалын өдрийг сурталчлах, хоггүй эко аялал зохион байгуулах хүрээнд Чойрын богд уулын гороо алхалтыг 2023 оны 09 дүгээр сарын 29-30 өдрүүдэд зохион байгууллаа.
Баянтал сумын Соёлын төв, Монголын явган алхагчдын холбоо, Ахмад явган алхагчдын клуб болон хамтран дэмжигчдийн туслалцаатайгаар Чойрын богд ууланд гороо алхалт, явган аялал зохион байгуулав.
“Чойрын Богд уулын гороо алхалт” Говьсүмбэр аймгийн Сүмбэр сумын 3-р багт байрлах Нэргүй баатарын хөшөөнөөс эхлэн маршрутын дагуу аяласан. Алхалтад Увс, Хэнтий , Дорноговь, Өмнөговь, Говьсүмбэр, Багахангай дүүрэг, Улаанбаатар хотоос нийт 60 алхагч оролцон 50 км замыг тууллаа. Хамгийн залуу алхагч 22 настай байсан бол хамгийн ахмад алхагч 74 настай байлаа. Алхалтыг спортын мастер Б.Даваахүү удирдаж, чиглүүлэгчээр Х.Энхжаргал ажилласан. Энэхүү арга хэмжээнд спортын мастер 2 , олон улсын алхагч цолтон ( хүрэл медальтан) 10 оролцсон байна.
Оролцогчдыг 5 багт хувааж хөгжөөнт буухиа тэмцээн зохион байгуулж, цаг хугацаа, дотоод зохон байгуулалт, аялал жуулчлалын салбарын мэдээ мэдээлэл, орон нутгийн түүхэн дурсгалт газруудын талаарх асуулт хариултын тэмцээнд М.Ванданхүү ахлагчтай 1-р баг бусад багуудыг манлайлан тэргүүлж, Ч.Түвшинтөгс ахлагчтай 4-р баг 2-р байр, Д.Жаргалсайхан ахлагчтай 5-р баг 3-р байр тус тус эзэллээ.
Дэмжиж ажилласан иргэд, байгууллагууд:
- Монголын явган алхагчдын холбоо
- Ахмад явган алхагчдын клуб
- Дуу бүжгийн боржигин чуулга
- Говьсүмбэр аймгийн Биеийн тамир, спортын газар
- Говьсүмбэр аймгийн Эрүүл мэндийн газар
- Баянтал сумын Эрүүл мэндийн газар
- Говьсүмбэр аймгийн Баянтал сумын соёлын төв
- “Анар үйлс” ХХК
- Сэргэлэн фото студи
- Говьсүмбэр аймгийн ТВ МУСТА Д.Уранцэнгэл
- Санаачилга гаргаж хэрэгжүүлсэн Баянтал сумын соёлын төвийн эрхлэгч Н.Энхжаргал.
Ерөнхий зохион байгуулагчид:
- Аймгийн аялал жуулчлалын холбоо
- Говьсүмбэр аймгийн Баянтал сумын соёлын төв
Хамрагдсан хүн: 10 байгууллага 64 хүн
Нэргүй баатарын хөшөөн дээр нээлтийн үйл ажиллагаа эхлэн, Цоорхойн рашаанаас алхалтаа эхлэн Чойрын Богд уулаа нар зөв гороолон алхсан. Алхалтын явцад хоггүй алхахыг уриалан хогийн уут болон бээлийг оролцогч бүрт тарааж, оролцогчид 2 өдрийн турш отоглосон газар бүрт хоггүй цэвэр аяласан. Мөн аймгийн байгалийн болон түүхэн дурсгалт газрын орчинд хад чулуу барималтай зөв харьцах, отоглох цэг, дурсгалт газрыг үзэхдээ тээврийн хэрэгслийг зогсоолд байршуулах зэрэг мэдээлэл өгч, аймгийн байгаль түүхийн дурсгалт газруудыг танилцуулан тойрон аяласан.
ҮР ДҮН:
- Салбарын хууль тогтоомжийг алхагчдад сурталчлан, мэдээлэл хүргэсэн
- Чойрын богд ууланд гороо алхалт зохион байгуулж, 64 хүн хамрагдсан.
- Зөв аялалын талаар мэдээлэл өгч, дурсгалт газруудтай зөв харьцах талаар тайлбар хийсэн.
- Монголын явган алхагчдын холбоо, Ахмад явган алхагчдын клуб спортын холбоодтой хамтран ажилласан.
- Хүрээлэн буй орчны бохирдлыг бууруулах, зөв аялал дадлыг төлөвлшүүлэх, бусдад үлгэрлэх хүрээнд аялалын маршрут орчмын хог хаягдлыг цэвэрлэсэн
ТАЙЛАН БИЧСЭН: БОАЖГ-ЫН МЭРГЭЖИЛТЭН Э.ДАШЖАРГАЛ
